ओरोकेन संगीतको खम्बा ८१ वर्षीया वृद्धा

उत्तरी चीनको भित्री मंगोलिया स्वायत्त क्षेत्रकी ८१ वर्षीया नेई शुमेईले ओरोकेन परम्परागत लोकगीत गाएर युवा पुस्तालाई प्रेरित गर्दै आएकी छन् ।

उनले जान्डारेन नामक आफ्नो जातीय संगीतलाई जोगाएर राख्न र पुस्तौंपुस्तासम्म पुर्याउन उल्लेखनीय योगदान दिएको बताइन्छ । उक्त गीत ओरोकेन समुदायका लागि मनोरञ्जन  मात्र नभई  चिनियाँ साँस्कृतिक धरोहरको अभिन्न अंग भइसकेको छ ।

ओरोकेन संस्कृतिलाई जिवित राख्ने उनका गीतहरू अहिले सामाजिक सञ्जालमा भाइरल भएका छन् । लाखौँ मानिसले ओरोकेन संगीतको महत्वसमेत बुझेका छन् । उनले जान्डारेन संगीतलाई आत्मीय तरिकाले प्रस्तुत गरेकीले समाजले सांस्कृतिक सम्मान र पहिचानको महशुस गरेको छ ।

ओरोकेनको मौखिक परम्पराको संरक्षण गर्न नेईको प्रयास अतुलनीय छ । यी परम्परागत गीतहरू लिखित रूपमा नहुँदा, नेईका प्रयासले ओरोकेन संस्कृतिलाई भविष्यमा पनि जिवित राख्ने बताइन्छ ।

चिनियाँ टेलिभिजन सिसिटिभीका अनुसार नेईका गीतले सांस्कृतिक धरोहरको पुनरुत्थानमा योगदान र युवा पुस्तालाई सांस्कृतिक सम्पदा संरक्षणमा प्रेरणा दिएको छ । ओरोकेन परम्परामा उनको यो  प्रयास एक अद्वितीय उदाहरण बनेको छ ।