कान्छी श्रीमती मारेर राष्ट्र बैंकका पूर्व कर्मचारीले पनि त्यागे प्राण

नेपाल राष्ट्र बैंकका पूर्व कर्मचारी ऋषिराम बरालले कान्छी श्रीमतीलाई मारेर आफै पनि प्राण त्यागेका छन् । पोखराको बिरौटामा नयाँ घर बनाएर कान्छी श्रीमती भित्र्याएको पाँच वर्षमै यो अवस्था निम्त्याएका हुन् । हिजो अपरान्ह श्रीमतीको हत्यापछि गम्भीर अवस्थामा भेटिएका बरालको उपचार क्रममा गएराति मृत्यु भएको छ ।

जेठी श्रीमती र उनको परिवारसँग नजिकिएको थाहा पाएपछि कान्छीसँग सम्बन्ध बिग्रिएको छिमेकी र आफन्तको अनुमान छ ।

दुई छोरा,एक छोरी र जेठी श्रीमती पोखराकै मासबारस्थित अर्को घरमा बस्छन् । पाँच वर्षअघि बैंकबाट अवकाश लिएका चालक बरालले निकै कम उमेरकी युवतीलाई श्रीमतीको रुपमा भित्र्याएका थिए । पछिल्लो समय जेठी श्रीमती र उनको परिवारसँग नजिकिएको थाहा पाएपछि कान्छीसँग सम्बन्ध बिग्रिएको छिमेकी र आफन्तको अनुमान छ । 

प्रहरीले घटनाको अनुसन्धान भइरहेको बताएको छ । मृतक बरालले हिजो दिउँसो पनि फेसबुक पेजमा जेठी श्रीमतीसँगको फोटो र भिडियोहरु दुई पटक पोष्ट गरेका थिए । वैशाख १४ गते बैंकको वार्षिकोत्सवमा उपस्थित उनले पूर्व कर्मचारीहरुसँग अस्वाभाविक प्रश्न र व्यवहार गरेको बताइन्छ ।