पाँच दिनमा एक करोड चिनियाँ देश बाहिर,नेपाल आउँदा बोत्तल साफ
चीनले आगामी बिहिबारदेखि सोमबारसम्म कम्तीमा एक करोड पाँच लाख आफ्ना नागरिक विदेश घुम्न जाने प्रक्षेपण गरेको छ । पोहोरको तुलनामा यो वर्षको अन्तर्राष्ट्रिय श्रम दिवस अर्थात् मे १ का दिन २७ प्रतिशत बढी चिनियाँ विदेश जाने अनुमान छ ।
आगामी बिहिबारदेखि दिनहुँ २१ लाख ५० हजार चिनियाँ नागरिकले मुलुकको सीमा पार गर्ने नेशनल इमिग्रेसन एडमिनिस्ट्रेशनलाई उद्धृत गर्दै समाचार समिति सिन्ह्वाले जनाएको छ । चीनमा हरेक वर्ष मे १ देखि ५ तारिखसम्म सबैभन्दा धेरै मानिस स्वदेश तथा विदेश घुमघाममा निस्कने गरेका छन् ।
समाचारमा जनाइएअनुसार सांघाईको पुडोङ अन्तर्राष्ट्रिय विमानस्थलबाट दिनहुँ एक लाख एक हजार चिनियाँ विदेश जाने छन् भने ग्वाङ्चौको विमानस्थलबाट ५० हजार र बेइजिङ क्यापिटल विमानस्थलबाट औसत ४० हजार चिनियाँ विदेश यात्रामा निस्कने अनुमान छ । हङकङ, मकाउ आउजाउ गर्नेहरु पनि त्यत्तिकै हुने बताइएको छ ।
अस्ति शनिवार राती १० बजे चोङ्ग्छिङ्गबाट हिमालय एअरलाइन्सको उडानमा २० जनाको प्रतिनिधिमण्डल काठमाण्डौ आइपुग्यो । टोलीले ल्याएको थियो-५ सय मिलिलिटरका दरले १२ बोत्तल अर्थात ६ लिटर रक्सी । भन्सार नियमानुसार,बिदेशबाट आउने प्रत्येक पर्यटकले २ लिटर मदिरा ल्याउन पाउँछ तर त्यसरात आउने चिनियाँ पर्यटकबाट ४ बोत्तल रक्सी खोसियो र त्यसवापत रसिद पनि दिइएन । चिनियाँहरु स्वभावैले बिदेशी रक्सीभन्दा आफ्नै देशमा उत्पादित चुरोट र मदिरा मन पराउँछन् । यसवारे नेपालका नेता र कर्मचारीलाई जानकारी नभएको पनि हैन । यसरी ल्याएको सामान हाकाहाकी लुटिन थालेपछि तिनले लाने सन्देश कस्तो होला ?
स्थलमार्ग हुँदै बाहिरिने र चीन भित्रिनेका लागि सीमा नाकामा बढीमा ३० मीनेट समय लाग्ने व्यवस्था मिलाइएको सिन्ह्वाको समाचारमा उल्लेख छ । तर, त्यति धेरै चिनियाँ विदेश जान लाग्दा सीमाना जोडिएको नेपाल आउनेको संख्या हजार पुग्न पनि मुश्किल छ । हाम्रा सरकारी र निजी क्षेत्रले चिनियाँ पर्यटकलाई आकर्षित गर्न समयानुकूल सुविधा थप्न नसकेको परिणाम हो यो ।
नेपालको छवि ध्वस्त हुँदै गएको सानो उदाहरण यस्तो छ-अस्ति शनिवार राती १० बजे चोङ्ग्छिङ्गबाट हिमालय एअरलाइन्सको उडानमा २० जनाको प्रतिनिधिमण्डल काठमाण्डौ आइपुग्यो । टोलीले ल्याएको थियो-५ सय मिलिलिटरका दरले १२ बोत्तल अर्थात ६ लिटर रक्सी । भन्सार नियमानुसार,बिदेशबाट आउने प्रत्येक पर्यटकले २ लिटर मदिरा ल्याउन पाउँछ तर त्यसरात आउने चिनियाँ पर्यटकबाट ४ बोत्तल रक्सी खोसियो र त्यसवापत रसिद पनि दिइएन । चिनियाँहरु स्वभावैले बिदेशी रक्सीभन्दा आफ्नै देशमा उत्पादित चुरोट र मदिरा मन पराउँछन् । यसवारे नेपालका नेता र कर्मचारीलाई जानकारी नभएको पनि हैन ।
ट्रेन्डिङ पोस्ट
टिप्पणीहरू