आकाशमा दुई फन्को मारेर बादलभित्र छिरेको जहाज बेपत्ता
पोखराबाट जोमसोमका लागि उडेको बेपत्ता तारा एयरको जहाज खराव मौसमका कारण मुस्ताङको लेतेमा दुई पटक घुमेको स्थानीयले बताएका छन् । मुस्ताङ थासाङ क्षेत्रका स्थानीयले उक्त जहाज त्यहाँ दुई पटकसम्म घुमेको बताएका हुन् ।
बादल लागेका कारण जहाज नदेखिएको तर आवाज ठूलो आएको उनीहरूको भनाइ छ ।
लेतेमा रहेका पत्रकार सुशील थकालीले भने,‘यहाँका स्थानीयले आवाज सुनेका रहेछन् । प्रहरीले पनि त्यो आवाज सुनेको भन्ने छ । बादलले टम्मै छ । कतै केही देखिँदैन । हल्का पानी परिरहेको छ ।’
अहिले प्रहरी लेते क्षेत्रमा केन्द्रित भएर खोजीमा जुटेको उनले बताए ।
टिप्पणीहरू