निधारको अबिर नमेटिँदै मेयर पुगे खानेपानीको मुहानमा
धरानका नवनिर्वाचित मेयर हर्क साम्पाङ बधाई तथा शुभकामनाको क्रममा दलिएको अबिर मेटिन नपाउँदै खानेपानीको मुहानमा पुगेका छन् । देशभरका अधिकांश नवनिर्वाचित मेयरहरु जितको खुशियाली मनाइरहँदा साम्पाङ भने फिल्डमा खटिएका छन् ।
साम्पाङले आज धरानको खानेपानी मुहानमा पुगेर सरसफाई गर्न निर्देशन दिएका हुन् । उनले मुहानमा रहेको कमजोरी सच्याउन निर्देशन मात्रै दिएनन्, आफैँ सरसफाईमा सक्रिय भएका थिए ।
साम्पाङले आफ्नो पहिलो उद्देश्य धरानको खानेपानीको समस्या समाधान गर्नु रहेको बताइसकेका छन् । उनले चुनावमा जितेपछि खुशी मनाउनेभन्दा काम गरेर देखाउने बताएका थिए ।
टिप्पणीहरू