कमल थापाले पनि थुपारे एमालेमाथि दोष
राजतन्त्रको पक्षमा चर्को वकालत गर्दै आएका पहिले राप्रपा,अहिले राप्रपा नेपालका अध्यक्ष कमल थापाले स्थानीय चुनावमा पार्टी पराजय हुनुमा एमालेको दोष देखाएका छन् । एमालेको कारण हालैको निर्वाचनमा पार्टीले एउटा पनि सफलता हात पार्न नसकेको थापाले आरोप लगाएका हुन् ।
आज पार्टी कार्यसम्पादन समितिको बैठकमा बोल्दै पार्टी पुनगर्ठन भएको छोटो समयमा चुनाव भएकाले पनि हार व्यहोर्नु परेको उनको तर्क थियो । साथै एमालेसँग तालमेल गरेर जानुपर्ने बाध्यता भएकाले चुनावमा तालमेल गरिएको ठहर थियो ।
“हामीले एमालेसँग सहकार्य गर्ने निर्णय गर्यौं, त्यो सहि थियो व्यवहारिक र रणनीतिक रुपमा पनि ठीक थियो । तर उसैको कारण चुनावसमेत हारियो ।एमालेलाई आफ्नो पार्टीको भोट हाल्यौँ तर एमालेको भोट राप्रपा नेपाललाई प्राप्त भएन ।”
थापाले भने, ‘चुनावमा हामीले एमालेसँग सहकार्य गर्ने निर्णय गर्यौं, त्यो सहि थियो व्यवहारिक र रणनीतिक रुपमा पनि ठीक थियो । तर उसैको कारण चुनावसमेत हारियो । एमालेलाई आफ्नो पार्टीको भोट हाल्यौँ तर एमालेको भोट राप्रपा नेपाललाई प्राप्त भएन ।’
कमल थापाको पार्टीले एमालेकै चुनाव चिन्ह सूर्यबाट आफ्ना उम्मेदवारहरु उठाएको थियो । तर एमालेले थापाका उम्मेदवारलाई कुनै पनि पालिकाको प्रमुख,उपप्रमुख पदमा उम्मेदवारीको कोटा नै दिएको थिएन ।
उनले भने, ‘आगामी निर्वाचनमा अहिलेको घटनाबाट पाठ सिक्दै नयाँ तयारीका साथ भाग लिइन्छ ।’
टिप्पणीहरू