धरानमा पनि लौरोले लपेट्यो, वामपन्थी किल्लामा एमाले कम्जोर
वामपन्थीको किल्ला मानिने पूर्वको धरान उपमहानगरपालिकाको मेयरमा स्वतन्त्र उम्मेदवार हर्क साम्पाङले अग्रता फराकिलो बनाउँदै लागेका छन् । ठूला दलबाट उठेका बलिया उम्मेदवारलाई पछि पार्दै उनले अग्रता कायम राखेका हुन् ।
मत गणनाको पछिल्लो अपडेटअनुसार हर्कले सत्ता गठबन्धनबाट नेपाली कांग्रेसका उम्मेदवार किशोर राईको भन्दा १२९७ मत बढी ल्याएका छन् । अहिलेसम्म गनिएको ३९ हजार ३५७ मध्ये उनले १२ हजार १५ मत प्राप्त गरिसकेका छन् । १० हजार ७१८ मतसहित किशोरले उनलाई पछ्याइरहेका छन् ।
उपमेयरमा गठबन्धनबाट माओवादी केन्द्रका उम्मेदवार अइन्द्रबिक्रम बेघाको सुरुआतदेखिकै अग्रता कायम नै छ । उनले १२ हजार ३७६ मत प्राप्त गरेका छन् भने एमालेका पदम इस्वो लिम्बुले ११ हजार ७६५ भोट पाएका छन् ।
अहिले धरानको वडा नं ११, १३ र १४ को मतगणना भैरहेको छ ।
टिप्पणीहरू