मुलुक भित्रिनेभन्दा बाहिरिने डलर धेरै, आर्थिक अवस्था नाजुकतर्फ उन्मुख « Jana Aastha News Online
Logo
१५ जेष्ठ २०७९, आईतवार
|  Sun May 29 2022
Logo
१५ जेष्ठ २०७९, आईतवार
|  Sun May 29 2022

मुलुक भित्रिनेभन्दा बाहिरिने डलर धेरै, आर्थिक अवस्था नाजुकतर्फ उन्मुख

प्रकाशित मिति :  २८ बैशाख २०७९, बुधबार १७:५५


नेपाल राष्ट्र बैंकले आज प्रकाशित गरेको मुलुकको पछिल्लो आर्थिक अवस्था निकै डरलाग्दो देखिएको छ । चालु आर्थिक वर्ष २०७८/७९ को पहिलो नौ महिनामा मुलुकको चालु खाता पाँच खर्ब १२ अर्ब ७१ करोड रुपैयाँले घाटामा गएको छ ।

अघिल्लो वर्षको सोही अवधिमा उक्त खाता २ खर्ब १० अर्ब ५१ करोड रुपैयाँले मात्र घाटामा थियो । यो भनेको अर्थतन्त्रमा थप खराबको अवस्था देखा पर्दैछ भन्ने संकेत रहेको अर्थविद्हरु बताउँछन् ।

अर्थमन्त्री जनार्दन शर्माले भने यो महिनाको प्रारम्भमा मुलुकको आर्थिक अवस्था तन्दुरुस्त रहेको रेडिमेड जवाफ दिनुभएको थियो । अहिले मुलुकको केन्द्रीय बैंकले जारी गरेको पछिल्लो तथ्याङ्कले मन्त्रीको उक्त भनाइको खण्डन गरेको छ ।

यस्तै गत चैतसम्म शोधनान्तर स्थिति २ खर्ब ६८ अर्ब २६ करोड रुपैयाँले घाटामा छ । अघिल्लो वर्षको सोही अवधिमा शोधनान्तर स्थिति ४२ अर्ब ५४ करोडले बचतमा थियो ।  विदेशी मुद्रा सञ्चिति अघिल्लो वर्षको सोही अवधिमा ३४ करोड ८१ लाखले बचतमा थियो ।

मुलुकको विदेशी मुद्राको पछिल्लो सञ्चितिको अवस्थालाई हेर्दा मुश्किलले सात महिनाको वस्तु आयात र साढे ६ महिनाको वस्तु तथा सेवाको आयात धान्न पुग्ने देखिएको छ । सामान्यतयाः सात महिनाभन्दा मुनिको अवधिलाई राम्रो मानिँदैन ।


प्रतिक्रिया दिनुहोस !