नबिल बैंकले शुरु गर्यो ‘श्री शम्भुप्रसाद पौड्याल स्मृति छात्रवृत्ति’ « Jana Aastha News Online
Logo
१५ जेष्ठ २०७९, आईतवार
|  Sun May 29 2022
Logo
१५ जेष्ठ २०७९, आईतवार
|  Sun May 29 2022

नबिल बैंकले शुरु गर्यो ‘श्री शम्भुप्रसाद पौड्याल स्मृति छात्रवृत्ति’

प्रकाशित मिति :  २७ बैशाख २०७९, मंगलवार १७:२५


नबिल बैंकका पूर्व अध्यक्ष स्व. शम्भुप्रसाद पौड्यालको सम्झनामा यो वर्षबाट बैंकले कर्मचारी परिवारको निम्ति श्री शम्भु प्रसाद पौड्याल स्मृति छात्रवृत्ति प्रदान गर्न थालेको छ । स्व. पौड्याल बैंकमा लामो समयदेखि सञ्चालक समितिमा सदस्य र अध्यक्ष थिए ।

बैंकका अनुसार स्व. पौड्यालले कर्मचारीहरुको हित र विकासका निम्ति सँधै जोड दिँदै आएका थिए । यो छात्रवृत्ति कार्यक्रममा प्रत्येक वर्ष नबिल बैंकका सम्पूर्ण कर्मचारीहरुले राष्ट्रिय परिक्षाबोर्डको १० जोड २ कक्षामा उत्कृष्ट नतिजा ल्याउने मेहेनती तथा जेहेन्दार सन्तानहरुका नाम मनोनयन गर्न सक्छन् ।

उच्च शिक्षाको लागि प्रोत्साहन गर्ने उद्देश्यसहित बैंकले यो कार्यक्रम ल्याएको हो । मनोनित कर्मचारी परिवारका सन्तानहरुबाट उत्कृष्ट नतिजा ल्याउने दुई जना छात्र र दुई जना छात्रालाई प्रत्येक वर्ष यो पुरस्कार प्रदान गरिने बैंकले जनाएको छ । पुरस्कार वापत प्रत्येकले ५० हजार रुपैयाँ प्राप्त गर्ने छन् ।

बैंकले आर्थिक वर्ष २०७७/७८ का लागि कर्मचारी उदय राज खनालकी छोरी उनीका खनाल, कर्मचारी सन्देशराज भट्टराईका छोरा दिपसन भट्टराई, कर्मचारी मुरारीप्रसाद अर्यालका छोरा मुकुल अर्याललाई मनोनयन र पुरस्कृत गरेको छ ।

बैंकको प्रधान कार्यालयमा आयोजित कार्यक्रममा अध्यक्ष उपेन्द्रप्रसाद पौड्यालले तीनै जना विजेतालाई छात्रवृत्ति रकमसहित प्रशंसापत्र हस्तान्तरण गरेका हुन् ।

सो अवसरमा प्रमुख कार्यकारी अधिकृत अनिल केशरी शाहले दशकौंदेखि नबिल बैंक र नबिलियनको वृत्ति विकासका लागि स्व. पौडेलले महत्वपूर्ण भूमिका निर्वाह गरेको सन्दर्भ उल्लेख गरेका थिए ।


प्रतिक्रिया दिनुहोस !