जापानमा विद्यार्थीलाई ह्याण्ड स्यानिटाइजर खुवाइयो
जापानी अधिकारीहरूले उच्च माध्यामिक विद्यालयका खेलाडीहरूलाई दौडको क्रममा ह्याण्ड स्यानिटाइजर खुवाएको कारण एक जना विद्यार्थी बिरामी परेको विषयमाथि गम्भीर अनुसन्धान गर्ने बताएका छन् । मध्य जापानको यामानाशी प्रिफेक्चरमा गत सप्ताहन्तमा आयोजित छात्राहरूको पाँच सय मिटर दौड प्रतियोगितामा आयोजकहरूले भूलवश कपमा खन्याएको स्यानिटाइजर धावकहरूको लागि पेय स्टेसनमा राखेका थिए ।
स्यानिटाइजरलाई लेबल नगरिएको प्लास्टिकको बोटलमा पिउने पानी भएको कार्डबोर्ड बक्समा राखिएको यामानशीको हाइस्कूल खेलकुद महासंघले जनाएको छ । मदिरा मिसिएको ह्याण्ड स्यानिटाइजर सामान्यतयाः कोरोनाबाट बच्न प्रयोग गरिन्छ । महामारी सुरु भएदेखि नै जापान र अन्य देशमा यसको व्यापक प्रयोग भएको छ ।
स्यानिटाइजर पिएपछि एक जना खेलाडीले ढलेर बान्ता गरेका थिए । अन्य दुई जनाले निरन्तर वान्ता गरेको बताइन्छ । घाइते तीनै जनालाई उपचारका लागि अस्पताल लगिएको थियो । उनीहरूको स्वास्थ्यमा सुधार आइरहेको प्राप्त विवरणहरूमा जनाइएको छ । सो घटनाबारे तेस्रो पक्षले अनुसन्धान गर्ने यामानाशीका गभर्नर कोतारो नागासाकीले बताए ।
यसअघि भारतमा कोभिडबाट बच्न भन्दै एक व्यक्तिले स्यानिटाइजर पिउँदा गम्भीर रुपमा बिरामी परेका थिए ।
ट्रेन्डिङ पोस्ट
टिप्पणीहरू