अमेरिकामा कोरोना संक्रमण बढ्यो, अस्पताल भर्ना हुनेको संख्या अत्यधिक

संयुक्त राज्य अमेरिकामा पछिल्लो समयमा कोरोना संक्रमणका कारण अस्पताल भर्ना हुनेहरुको संख्या बढ्न थालेको छ । बीचमा केही समय संक्रमण घटे पनि अहिले संक्रमणका कारण अस्पताल भर्ना हुनेको संख्या बढेको हो । यसरी अस्पताल भर्ना हुनेको संख्या अहिले दिनको १५ सयसम्म पुग्न थालेको छ ।

गत बिहीबार एकै दिन अमेरिकामा ६८ हजार जनामा संक्रमण फेला परेको थियो । गत साता अस्पताल भर्ना हुनेको संख्या पनि दोब्बर भएको स्वास्थ्य अधिकारीहरुले बताएका छन् ।

यता चीनको राजधानी बेइजिङलगायत धेरै वटा ठूला शहरमा संक्रमण ह्वात्तै बढेको छ । संक्रमण रोकथामको निम्ति विभिन्न प्रतिबन्धहरु घोषणा गरिएका छन् ।