माधव नेपालको जिल्लामा एकीकृत समाजवादी रोजेका एमाले नेता प्रचारमा हिँडे

नेकपा एमालेका मधेस प्रदेश कमिटी सदस्य रामजी साह नेकपा एकीकृत समाजवादीमा प्रवेश गरेका छन् । अध्यक्ष माधवकुमार नेपालको गृहजिल्लासमेत रहेको रौतहटमा आज आयोजित चुनावी कार्यक्रममा उनले समाजवादी रोजेका हुन् ।

अध्यक्ष नेपालको गृहजिल्ला भएकाले समाजवादीले त्यहाँ चुनाव प्रचारप्रसार तीब्र पारेको छ । आजै चन्द्रपुर, वृन्दावन, गरूडा, यमुनामाई, माधवनारायण र गौर नगरपालिकामा प्रचारसभा र घर दैलो कार्यक्रममा गरिएको थियो ।गरूडा नगरपालिकामा आयोजित सभामा एमाले, नेपाली काँग्रेस, माओवादी केन्द्र र जसपा छाडेर सात सयभन्दा बढी पार्टीमा प्रवेश गरेको समाजवादीले जनाएको छ ।