आज संक्रमितभन्दा निको हुनेको संख्या धेरै

पछिल्लो २४ घण्टामा मुलुकभर १० जना कोरोना संक्रमित भेटिएका छन् । स्वास्थ्य तथा जनसंख्या मन्त्रालयका अनुसार पाँच हजार दुई सय २६ जनामा परीक्षण गर्दा उक्त संख्यामा संक्रमित पुष्टि भएको हो ।

सोही अवधिमा १८ जना संक्रमणमुक्त भएका छन् । हाल मुलुकभर कोरोना संक्रमण निको हुने दर ९८ दशमलव ८ प्रतिशत छ । मुलुकभर अझै दुई सय ६१ जना सक्रिय संक्रमित छन् ।

गत २४ घण्टामा काठमाडौंमा चार जनामा संक्रमण देखिएको छ । ललितपुरमा दुई र भक्तपुरमा एक जना नयाँ संक्रमित फेला परेका छन् । काठमाडौंमा सक्रिय संक्रमितको संख्या ५० रहेको छ । भक्तपुरमा सात र ललितपुरमा १८ जना छन् ।

आज पनि संक्रमणका कारण कसैले पनि ज्यान गुमाएका छैनन् । हालसम्म कोरोनाका कारण ११ हजार नौ सय ५१ जनाको मृत्यु भएको छ ।