विमान दुर्घटनामा कोही पनि बाँचेनन्
गत सोमबार चीनको क्वाङ्सी चुआङ प्रान्तमा एक सय ३२ जना यात्रु बोकेको यात्रुवाहक विमान दुर्घटनाग्रस्त हुँदा त्यसमा रहेका कोही पनि जिवित फेला नपरेको बताइएको छ । चिनियाँ सरकारी अधिकारीहरुलाई उद्धृत गर्दै चीनको समाचार समिति सिन्ह्वाले प्रकाशित गरेका पछिल्लो बुलेटिनमा उक्त कुरा उल्लेख छ ।
दुर्घटनास्थलमा अहिले पनि उद्धारकार्य जारि रहेको तर हालसम्म कसैलाई पनि जिवित फेला पार्न नसकिएको उद्धारमा संलग्नहरुले बताएका हुन् ।
घटनास्थलमा अनुसन्धान टोली निरन्तर खटिएको र विमान दुर्घटनाको कारण पत्ता लगाउन ब्ल्याक बक्सको खोजी व्यापक रुपमा गरिरहेको पनि जनाइएको छ । ब्ल्याक बक्सको खोजीमा ड्रोनको समेत प्रयोग गरिएको छ ।
स्रोत : सिन्ह्वा
ट्रेन्डिङ पोस्ट
टिप्पणीहरू