प्रदेश १ को नामाकरणको तयारी थालियो « Jana Aastha News Online
Logo
१६ आश्विन २०७९, आईतवार
|  Sun Oct 2 2022
Logo
१६ आश्विन २०७९, आईतवार
|  Sun Oct 2 2022

प्रदेश १ को नामाकरणको तयारी थालियो

प्रकाशित मिति :  १० फाल्गुन २०७८, मंगलवार १४:४०


प्रदेश १ को नामाकरणको तयारी सुरु भएको छ । आउँदो आइतबार बस्ने प्रदेशसभाको बैठकले प्रदेशको नामाकरण गर्ने तयारी गरिएको हो । प्रदेशको नामाकरणका लागि किराँत प्रदेश, कोसी प्रदेश, सगरमाथा प्रदेश, लिम्बुवान प्रदेशलगायतका नाम प्रस्ताव गरिएको छ ।

प्रदेश–१ मा नेकपा एकीकृत समाजवादी नेतृत्वमा नेपाली काँग्रेस, माओवादी केन्द्र, जनता समाजवादी र संघीय लिम्बुवान मञ्चको संयुक्त सरकार छ । प्रदेश सभामा उक्त गठबन्धनको सामान्य बहुमत मात्रै छ ।

९२ जना सांसद रहेको प्रदेश–१ मा एमालेका ४१, काँग्रेसका २१, माओवादी केन्द्रका १५, नेकपा एकीकृत समाजवादीका १०, जसपाका ३, संघीय लोकतान्त्रिक राष्ट्रिय मञ्च र राप्रपाका एक-एक जना सांसद छन् ।

एमालेबिना सभामा दुई तिहाइ बहुमत पुग्दैन । नामाकरणका विषयमा गठबन्धनभित्र काँग्रेस बाहेकका दलमा पहिचानसहितको नाम राख्नेमा एक मत देखिन्छ । किराँत, लिम्बुवानजस्ता नाममा गठबन्धनभित्र काँग्रेस बाहेकका दलहरु एकमत छन् । तर, एमाले पनि ती नाममा सहमत छैन ।


प्रतिक्रिया दिनुहोस !