बाजा बजाएर जेलबाट बहादुर भवन पुगे रेशम चौधरी
डिल्लीबजार कारागारमा कैद भुक्तान गरिरहेका निलम्बित सांसद रेशम चौधरी नयाँ दल दर्ताका लागि निर्वाचन आयोग पुगेका छन् । आज चौधरीका समर्थकहरु बाजागाजासहित ‘नागरिक उन्मुक्ति पार्टी’ दर्ताका लागि आयोगको कार्यालय पुगेका हुन् ।
तत्कालीन राजपाका तर्फबाट गत निर्वाचनमा चौधरी अत्याधिक मतका साथ कैलाली १ बाट निर्वाचित भएका थिए । तर, कर्तव्य ज्यान मुद्दामा दोषी ठहर भएपछि मधेसवादी दलले आफ्नो मुद्दाको सम्बोधन गर्न नसकेको भन्दै उनले छुट्टै पार्टी खोल्न लागेका हुन् ।
पछिल्ला केही दिनयता चौधरीको रिहाइको माग राखेर काठमाडौंमा प्रदर्शनसमेत भइरहेको छ ।
टिप्पणीहरू