मृतकका परिवारलाई राहतको माग

सोलुखोला दूधकोसी आयोजनामा पानीको प्रेसर जाँच गर्ने क्रममा पेनस्टक बिस्फोट हुँदा मारिएका दुई इञ्जिनियरको परिवारलाई राहतको माग गरिएको छ । नेपाल इञ्जिनियर्स एसोसिएसनले उनीहरुको परिवारलाई राहत र क्षतिपूर्तिको माग गरिएको हो ।

सोलुखुम्बुमा निर्माणाधीन ८६ मेगावाटको उक्त आयोजामा जडान गरिएको पेनस्टकमा पानीको प्रेसर जाँच गर्ने क्रममा बिस्फोट हुँदा इञ्जिनियर सुवासराज रेग्मी र अर्जुन थापाको निधन भएको हो ।

एसोसिएसनका अध्यक्ष इञ्जिनियर त्रिरत्न बज्राचार्य र महासचिव छबिराज पोखरेलले जारी गरेको विज्ञप्तिमा आयोजनाका प्रवन्धक तथा व्यवस्थापनसँग दिवंगत इञ्जिनियरका परिवारलाई सहयोग गर्न आग्रह गरिएको छ ।