प्रेस युनियनबाट महाधिवेशनमा आउने पाँच जनाको नाम फाइनल

नेपाल प्रेस युनियनले नेपाली कांग्रेसको १४औं महाधिवेशनका लागि पाँच जना केन्द्रीय प्रतिनिधिको नाम पक्का गरेको छ ।

युनियनका अध्यक्ष बद्री सिग्देल, उपाध्यक्ष दिपक आचार्य, पूर्वकोषाध्यक्ष ईश्वरी ओझा, कोषाध्यक्ष सरोज अधिकारी र पत्रकार महासंघकी पूर्वउपाध्यक्ष अनिता विन्दु प्रतिनिधि छानिएका हुन् । प्रेस युनियन काठमाडौंका अध्यक्ष जगन्नाथ दुलालले पाँचै जनाको नाम फाइनल भएको जानकारी दिए ।

युनियनका महासचिव अजयबाबु शिवाकोटी भने कांग्रेस दोलखाको अधिवेशनबाट महाधिवेशन प्रतिनिधिमा निर्वाचित भइसकेका छन् । यस्तै, पत्रकार महासंघकी उपाध्यक्ष बाला अधिकारी पनि ओखलढुंगाबाट प्रतिनिधि बनेकी छिन् ।