सलमान खानको नाममा सुटुक्क पौने करोड संकलन
भारतीय अभिनेता सलमान खानको नाममा काठमाडौंको दरबारमार्गमा खोलिएको एउटा पसलका म्यानेजर झण्डै सत्तरी लाख रुपैयाँसहित पक्राउ परेका छन् । बिइङ ह्युम्यान नामको कपडा पसलका म्यानेजर स्रोत नखुलेको लाखौं रुपैयाँसहित समातिएका हुन् ।
उनको साथबाट ६९ लाख ५० हजार बरामद भएको बताइएको छ । दरबारमार्गस्थित बिइङ ह्युम्यान कपडा पसलका म्यानेजर हिरोसी खनाल उक्त रकमसहित आज पक्राउ परेका थिए ।
प्रहरीको संयुक्त विशेष टोलीले उक्त कपडा पसलमा चेकजाँच गर्दा स्रोत नखुलेको रकम भेटिएको थियो । अहिले उनलाई सम्पत्ति शुध्दिकरण अनुसन्धान विभाग,पुल्चोकमा पठाइएको छ ।
बिइङ ह्युमान फाउण्डेसन सलमान खानले सन् २००७ मा भारतको मुम्बईमा खोलेका हुन् । यो संस्था सामाजिक क्षेत्रमा सक्रिय छ ।
टिप्पणीहरू