खगेन्द्र सङ्ग्रौला एमालेमाथि झन खरो

लेखक एवं राजनीतिक विश्लेषक खगेन्द्र संग्रौलाले चितवनमा जारी एमाले महाधिवेशनतर्फ इंगित गर्दै सहमतिमा गर्ने सहवास हो, महाधिवेशन होइन भनी ब्यङ्ग्य गरेका छन् । बन्दसत्र नै प्रभावित हुने गरी एमाले नेताहरु नेतृत्व चयनका लागि सहमतिको कसरतमा जुटेकोप्रति उनले यस्तो व्यङ्ग्य कसेका हुन् ।

संग्रौलाले निर्वाचित कमिटीले मात्रै पार्टीलाई मजबुत बनाउने पनि बताएका छन् । सामाजिक सञ्जाल फेसबुकमा लेखेका छन्, ‘सहमतिमा गर्ने भनेको सहवास हो,महाधिवेशन होइन । निर्वाचित कमिटीले मात्र पार्टीलाई मजबुत बनाउने काम गर्दछ ।’

हिजोको बन्दसत्रले पदाधिकारी र केन्द्रीय सदस्यहरुको नाम प्रस्ताव गर्ने एकल अधिकार अध्यक्ष केपी ओलीलाई दिएको छ । त्यसलाई लिएर स्वयं महाधिवेशन प्रतिनिधिहरुले समेत असन्तुष्टि जनाइरहेका बेला संग्रौलाको यस्तो कटाक्षपूर्ण टिप्पणी आएको हो ।