रावल बन्द सत्रतर्फ निस्केपछि ओलीसँगको भेट टर्यो
नेकपा एमालेको दशौँ महाधिवेशनमा अध्यक्षको उम्मेदवारी दिएका नेता भीम रावलले अध्यक्ष मण्डलका अध्यक्ष केपी शर्मा ओलीलाई नभेट्ने पक्का भएको छ । ओलीलाई नभेट्ने निश्कर्षका साथ रावल अहिले महाधिवेशनको बन्दसत्रमा जाने तयारीमा रहेको उहाँ निकट स्रोतले बताएको छ ।
यसअघि केही नेताले ओली र रावलबीच छलफल गराउन खोजेका थिए । तर,रावलकै अनिच्छाका कारण भेटघाट सम्भव नभएको उहाँ निकट एक नेताले बताए । ओलीले जबर्जस्ती आफ्नो योजनामा सहमत गराउन प्रयास गर्ने बुझेपछि त्यस्तो भेटलाई रावलले महत्व नदिएको ती नेताको दाबी छ ।
यता, बिहान १० बजे शुरु हुने भनिएको दोस्रो दिनको बन्दसत्र अहिलेसम्म चाइचुइ छैन । सहमतिमै नेतृत्व चयन गर्ने प्रयासमा रहनुभएका ओली आफू बसेको रिसोर्टमै नेताहरुसँग छलफलमा हुनुहुन्छ ।
रावलले भने चुनावमार्फत नेतृत्व चयन गरिनुपर्ने अडान राख्दै आउनुभएको छ ।
टिप्पणीहरू