फिल्म देखाउन भुवन केसीका बाबुछोरा नै जाने
भारतको उत्तरपूर्वी राज्य सिक्किममा हुन लागेको ‘सिक्किम ग्लोबल फिल्म फेस्टिभल’ मा नेपाली कलाकारहरु पनि सहभागी हुने भएका छन् ।
डिसेम्बर १० देखि १४ सम्म अर्थात् मंसिर २४ देखि २८ गतेसम्म गान्तोकमा आयोजना हुने महोत्सवमा बलिउडसँगै नेपाली कलाकारहरुको पनि सहभागिता रहने बताइएको छ ।
कोरोनाका कारण थलिएको फिल्म पर्यटनलाई प्रवद्र्धन गर्न सिक्किम फिल्म प्रमोसन बोर्डले फेस्टिबलको आयोजना गरेको हो ।
फेस्टिबलमा बलिउडबाट मलाइका अरोराले भाग लिने छिन् भने नेपालबाट कलाकार अनमोल केसीलाई पनि निम्तो प्राप्त भएको छ । साथै, भुवन केसी, दयाहाङ राई, नम्रता श्रेष्ठ, अदिति बुढाथोकी, विनय श्रेष्ठ, शिवानी गुप्तालगायतका कलाकार पनि सहभागी हुने बोर्डले सार्वजनिक गरेको जानकारीमा उल्लेख छ ।
बलिउडबाट अभिनेता अरिजीत दत्ता, निर्देशकहरु सञ्जय पुरन सिंह, प्रियदर्शन, अभिनव कश्यप, अनन्त महादेवनलगायत समेत सहभागी हुनेछन् ।
फेस्टिबलमा साइनो, जार, कथालगायतका नेपाली फिल्म प्रदर्शन गरिने छ ।
टिप्पणीहरू