मोटरसाइकल दुर्घटनामा सशस्त्रका सई बिते
सुनसरीमा भएको मोटरसाइकल दुर्घटनामा सशस्त्र प्रहरी बल नेपालका नायव निरीक्षक (सई) को मृत्यु भएको छ ।
धरान उपमहानगरपालिका–८, सेउतीस्थित सडकमा को.१ ब २४३८ नम्बरको मोटरसाइकल अनियन्त्रित हुँदा चालक ३९ वर्षीय सन्तोष बस्नेत दुर्घटनामा परेका हुन् ।
दुर्घटनामा गम्भीर घाइते भएका उनको धरान घोपा क्याम्पमा उपचारको क्रममा गए राति निधन भएको सशस्त्र प्रहरी बल, ३ नम्बर गण, मोरङले जनाएको छ । नायव निरीक्षक बस्नेत उक्त गणमा कार्यरत थिए ।
शव हाल धरानमै रहेको र परिवारका सबै सदस्यको उपस्थितिपछि मात्रै अन्त्येष्टी गर्ने तयारी गरिएको सशस्त्रले जनाएको छ ।
ट्रेन्डिङ पोस्ट
टिप्पणीहरू