‘म एमालेमा होइन, एकीकृत समाजवादीमै छु’ « Jana Aastha News Online
Logo
८ आश्विन २०७९, शनिबार
|  Sat Sep 24 2022
Logo
८ आश्विन २०७९, शनिबार
|  Sat Sep 24 2022

‘म एमालेमा होइन, एकीकृत समाजवादीमै छु’

प्रकाशित मिति :  २८ कार्तिक २०७८, आईतवार १५:००


एमालेले गण्डकी प्रदेश कमिटीमा मनोनित गरेका एक जना कमरेडले आफू एमाले विभाजन भएपछि प्रतिबद्धतासाथ नेकपा एकीकृत समाजवादीमै सक्रिय रहेको बताएका छन् । उनले एमालेले पत्तै नदिई मनोनित गरेको निर्णय गलत भएकाले आफ्नो आवद्धता एकीकृत समाजवादीमा रहेकोमा शंक नगर्न आग्रह गरेका छन् ।

एमालेको गत मंगलबार पोखरामा भएको प्रदेश कमिटीको बैठकले माछापुच्छ्रे गाउँपालिका ५ निवासी गोपाल गिरीलाई बिनासूचना र जानकारी कमिटीमा मनोनित गरेको बताइन्छ । मनोनयनको अनौपचारिक जानकारी पाएपछि गिरीले गत बुधबार विज्ञप्ति जारी गर्दै आफू एमालेमा विभाजन आएपछि उक्त पार्टीमा नभएको उल्लेख गरेका हुन् ।

आफ्नो विज्ञप्तिमा भनेका छन, ‘कम्युुनिष्ट पार्टीमा लगातार चार दशकभन्दा बढी क्रियाशील हुँदा म सँधै कम्युनिष्ट पार्टीको विचार, कार्यक्रम र सिद्धान्तप्रति इमान्दारपूर्वक भूमिका निर्वाह गर्दै आइरहेको छु,’ उनले अगाडि लेखेका छन्, ‘एमालेको नेतृत्वले विधि र विधानभन्दा बाहिर गएर गरेको स्वेच्छाचारी कदमको विपक्षमा म सँधै दृढतापूर्वक उभिँदै आइरहेको छु ।’

पछिल्लो पटक एकीकृत समाजवादीको गठनपछि आफू उक्त पार्टीको प्रदेश कमिटीको सदस्यको रुपमा अविचलित र सक्रियतापूर्वक क्रियाशील रहेको उनले जानकारी गराएका छन् । विज्ञप्तिमा लेखेका छन्, ‘भविश्यमा पनि निरन्तर क्रियाशील भइरहने प्रण गर्दै कोही कसैलाई भ्रममा नपर्न अनुरोध छ ।’


प्रतिक्रिया दिनुहोस !