एएफसी यु–२३ एसियन कप खेल्ने नेपालको सपना अधुरै

एएफसी यु–२३ एसियन कप छनोट प्रतियोगिताको दोस्रो खेलमा आयोजक ताजाकिस्तानसँग ६–० ले पराजित भएसँगै नेपालको यात्रा समूह चरणमा नै सीमित बनेको छ ।

समूह ‘बी’ मा रहेको नेपालले हिजो हिजो ताजिकिस्तानसँग खेलेको थियो । खेलको सुरुआतबाटै ताजिकिस्तानको दबाबमा खेलेको नेपालले पहिलो हाफमा ३ र दोस्रो हाफमा थप ३ गोल गरि ६ गोल खाएको थियो । प्रतियोगितामा यो नेपालको लगातार दोस्रो हार हो । यसअघि सोमबार भएको पहलो खेलमा नेपालले इरानलाई ४–० को नतिजा सुम्पिएको थियो ।

लगातार दोस्रो हारपछि नेपालको छनोट चरण पार गर्ने लक्ष्यमा पूर्णविराम लागेको हो । यता नेपालमाथिको जितपछि ताजिकिस्तानले भने शीर्ष स्थानमा रहँदै आगामी वर्ष उज्वेकिस्तानमा आयोजना हुने एएफसी यु–२३ एसियन कपमा छनोट हुने सम्भावना प्रबल बनाएको छ ।

सोमबार नै अर्को खेलमा लेबनानले ताजिकिस्तानलाई १–० को नतिजा सुम्पिएको थियो । बिहीबार भएको पहिलो खेलमा इरानले लेबनानलाई २–० ले हराउँदा नेपाल ताजिकिस्तानसँग ६–० ले पराजित हुन पुग्यो ।

दुई खेलमा ६ अंक जोडेको ताजिकिस्तान शीर्ष स्थानमा छ भने समान खेलमा समान ६ अंक जोडेको इरान गोलअन्तरमा पछि पर्दै दोस्रो स्थानमा छ । दुई खेलमा पराजित भएका नेपाल र लेबनान अंकबिहीन छन् ।

११ समूह रहेको छनोट चरणबाट प्रत्येक समूहको समूहविजेता र चार उत्कृष्ट उपविजेता सन् २०२२ मा उज्वेकिस्तानमा हुने एएफसी यु २३ एसिया कपका लागि छनोट हुनेछन् । नेपालले अन्तिम खेलमा आइतबार लेबनानको सामना गर्नेछ ।