एमाले महाधिवेशनमा दुई तिहाई बढी भूगोल प्रतिनिधि,एक तिहाई अन्यत्रबाट

एमालेको हिजो बिहान ११ बजेदेखि बसेको स्थायी समिति बैठक उदघाटनलगत्तै नेतृत्व चयनमा जाने निर्णयसहित साँझ ७ बजे सकिएको छ । बैठकले अधिकांश महाधिवेशनसँग सम्बन्धित निर्णय गरेको बताइएको छ ।

मंसिर १० देखि १२ गतेसम्म चितवनमा हुने १० औं महाधिवेशनमा एक हजार पाँच सय ३६ जना प्रतिनिधि हुनेछन् । तीमध्ये दुई तिहाई भन्दा बढी भूगोलका प्रतिनिधि हुने जानकारी दिइएको छ ।

महाधिवेशनको उद्घाटन सत्र नारायणगढको नारायणी नदी किनारमा हुने छ । बन्द सत्र सौराहामा हुने बैठकले निर्णय गरेको छ ।

स्थायी समितिको बैठकले प्रधान न्यायाधीशको सम्बन्धमा उठेको विवादलाई ‘राजनैतिक गठबन्धनसँगको अपवित्र साँठगाठ’ भनेको छ । न्यायालयमा गुटबन्दीले गर्दा मुलुक दुर्भाग्यपूर्ण अवस्थाबाट गुज्रेको बैठकले ठहर गरेको छ ।

उसले भनेको छ, ‘केही राजनैतिक नेताको निम्ति न्यायालयले गरेको गठबन्धन त्रुटिपूर्ण भएको प्रमाणित भएको छ ।’ एमालेले आज बिहान ११ बजे केन्द्रीय कमिटीको बैठक बोलाएको छ ।