सैनिक श्रीमती संघको नेतृत्वमा जनजाति शून्य

नयाँ प्रधानसेनापतिको नियुक्तिपछि सैनिक श्रीमती संघको कार्यसमिति पनि परिवर्तन हुने परम्पराअनुसार निर्विरोध निर्वाचित नयाँ कार्यसमिति अध्यक्षमा श्रीमती सुनिता शर्मा र उपाध्यक्षमा श्रीमती मनिषा कार्की हुनुहुन्छ ।

सचिवमा श्रीमती सोभना पौड्याल,कोषाध्यक्षमा श्रीमती सगुन राणा,सहसचिवमा श्रीमती सुनिता सापकोटा,सहकोषाध्यक्षमा श्रीमती संगीता भण्डारी छानिनुभएको छ ।

यसैगरी सदस्यमा श्रीमती लक्ष्मीकुमारी पन्त (ढकाल),श्रीमती कविताकुमारी ढकाल,श्रीमती सरस्वती केसी (बैदवार),श्रीमती प्रमिला कार्की,श्रीमती बनी बिष्ट, सुधा शर्मा (अधिकारी), उमा थापा (बिष्ट), श्रीमती प्रमिला तिवारी (ढुङ्गाना) चयन हुनुभएको छ ।

कार्यसमितिका १४ जनामा सात जना ब्राह्मण र ७ जना छेत्री समुदायका छन् । तर जनजातिको उपस्थिति भने शून्य रहेको देखिएको छ । नेपाली सेनामा यतिखेर झण्डै ५० प्रतिशत जनजाति समुदायका अधिकृत छन् ।

तर वर्तमान अवस्थामा श्रीमती संघको कार्यसमितिमा जनजाति शून्य हुनुले समावेशिताको सिध्दान्तमाथि भित्रभित्रैबप्रश्न उठाइएको बताइन्छ ।