भारतीय अर्थ राज्यमन्त्री भोलि मनकामना जाने,आज चितवनमा बास बस्ने
भारतीय अर्थ राज्यमन्त्री पंकज चौधरी आज स्थलमार्ग हुँदै नेपाल भ्रमणमा आउने भएका छन् । स्थलमार्ग हुँदै आउने क्रममा राजधानी काठमाडौं पुग्नुअघि उनले गोरखास्थित मनकामना मन्दिरको दर्शन गर्ने बताइएको छ ।
आज उनी भारतबाट सोझै आएर चितवनमा बास बस्नेछन् । चौधरी भोलि बिहान उठेर चितवनको कुरिनटारबाट केबलकार चढेर मनकामना मन्दिर जाने कार्यक्रम रहेको स्रोतले बताएको छ ।
मनकामना दर्शनपछि राज्यमन्त्री चौधरी अपरान्ह राजधानी काठमाडौं पुग्नेछन् । त्यसपछिको कार्यक्रम र भेटघाटबारे अहिलेसम्म केही बताइएको छैन ।
टिप्पणीहरू