सीतालाई न्याय दिलाउन गृहमन्त्रीसङ्ग गुहार
गृहमन्त्री बालकृष्ण खाँणको गृह नगर तिलोत्तमा नगरमा एक महिना पहिले मृत्यु भएकी सीता पौडेलको न्यायका लागि नगर प्रमुख वासुदेव घिमिरेले पहल गरेका छन् ।
नेकपा एमालेको प्रथम विधान महाधिवेशनमा काठमाण्डौ आएका घिमिरेले गृहमन्त्रीलाई भेटेर घटनाको निष्पक्ष छानवीननिम्ति प्रहरीलाई सम्झाइदिन आग्रह गरेका हुन् ।
तिलोत्तमाकी पौडेलको शंकास्पद मृत्यु र त्यसले उत्पन्न गरेको जटिल परिस्थितिका वारेमा आफूले मन्त्रीलाई अवगत गराएको घिमिरेले जानकारी दिए ।तिलोत्तमा–५ मणिग्राम घर र सोहि नगरको ८ नम्बर वडा माइत भएकी सीताको भदौ २० गते मणिग्राम घरमा शंकास्पद मृत्यु भएपछि घटनाको विषयलाई लिएर दिनहुँजसो प्रदर्शन भैरहेका छन् । आन्दोलनले नगरपालिकाको सेवा प्रवाहसमेत प्रभावित भएको छ ।
यसअघि नगरपालिकाले भदौ २७ गते प्रेस विज्ञप्ति र भदौ २८ गते सर्वदलीय बैठक राखेर घटनाको निष्पक्ष र विश्वसनीय छानविन गरी दोषीउपर कडाभन्दा कडा कार्वाही गर्न र पीडित परिवारलाई न्याय दिलाउन प्रहरी प्रशासनको गम्भिर ध्यानाकर्षण गराएको नगर प्रमुख घिमिरेले जानकारी दिए ।
टिप्पणीहरू