अग्नि सापकोटाको मुध्दा हेर्न नमिल्ने,बामदेवको मुध्दा हेर्न नभ्याइने

सभामुख अग्नि सापकोटाविरूध्दको मुध्दा सर्वोच्च अदालतको संवैधानिक इजलासमा परेर पनि हेर्न नभ्याइएका कारण पेशी फेरि सरेको छ ।

यो मुद्दा प्रधानन्यायाधीश चोलेन्द्रसमशेर जबरासहित वरिष्ठ न्यायाधीशहरु दीपककुमार कार्की, मीरा खड्का, हरिकृष्ण कार्की र ईश्वरप्रसाद खतिवडा सम्मिलित संवैधानिक इजलासको पहिलो नम्बरमै पेशी तोकिएको थियो ।

सर्वाेच्च प्रशासन स्रोतका अनुसार संवैधानिक इजलाशमा रहेका न्यायाधीश हरिकृष्ण कार्कीका कारण सो मुध्दा आज हेर्न नमिल्नेमा परेको हो । न्यायाधीश हुनुअघि नै कार्कीले विपक्षीको तर्फबाट बहस गरेका कारण आज हेर्न नमिल्नेमा परी पेशी धकेलिएको हो ।

उता राष्ट्रियसभामा मनोनित सांसद वामदेव गौतमको मुद्दा हेर्न नभ्याइएको कारण पेशी सरेको छ । राष्ट्रिय सभामा वामदेव गौतमको मनोनयनविरुध्द परेको रिटउपर संवैधानिक इजलाशमा पेशी चढेर हेर्न नभ्याइनेमा राखिएको छ ।

०७४ सालको प्रतिनिधि सभा निर्वाचनमा बर्दियाबाट पराजय ब्यहोरेका गौतमलाई २०७७ असोज १ गते राष्ट्रपति विद्यादेवी भण्डारीले राष्ट्रिय सभा सदस्यमा मनोनीत गर्नुभएको थियो ।

त्यसको साता दिनपछि नै अधिवक्ताद्वय दिनेश त्रिपाठी र बद्रिराज भट्टले रिट दायर गरेका रिट । आज संवैधानिक इजलाशको ५ नम्बरमा पेशी चढेर हेर्न नमिलेको कारण सुनुवाई धकेलिएको हो ।