सिडियोहरुहरुलाई भोट माग्दैको सास्ती

नेपाली कांग्रेसको आसन्न महाधिवेशनमा राज्य संयन्त्रको दुरुपयोग भैरहेको संस्थापनइतर पक्षले आरोप लगाइरहेका बेला स्थानीय तहको अधिवेशनमा उम्मेदवारहरुले आफ्नो पक्षमा माहोल बनाइदिन सरकारी कर्मचारी र सुरक्षा अंगलाई दवाव दिएको खुलेको छ ।

केही दिनअघि सम्पन्न पालिकास्तरीय अधिवेशनमा कपिलवस्तुको स्थानीय तहका उम्मेदवारहरुले सहयोगका लागि आग्रह गर्दै सरकारी कर्मचारीलाई फोन गरेको खुलासा भएको हो ।

गृहमन्त्री बालकृष्ण खाँणनिकट मानिने जिल्ला सभापतिका उम्मेद्वारको चर्चामा रहेका राजेश आचार्यले समेत अप्रत्यक्ष सहयोग मागेको एक कर्मचारीले बताए । अन्य उम्मेदवारले पनि ‘लौ न हजुर हेरिदिनुपर्यो’ भनेर सहयोगको अपेक्षा गर्ने गरेको दावी गरिएको छ ।

बरिष्ठ नेता रामचन्द्र पौडेल पक्षले सभापति तथा प्रधानमन्त्री शेरबहादुर देउवाले राज्य संयन्त्रको दुरुपयोग गरेर महाधिवेशन आफ्नो पक्षमा पार्न खोजेको आरोप लगाइरहेको छ ।

देउवाको गृहजिल्ला डडेलधुराको अधिवेशनमा त्यस्तै गरिएको पौडेल पक्षले सार्वजनिक रुपमै आरोप लगाएको थियो ।