माइतीघरमा चीन विरोधी प्रदर्शन, चिनियाँ राष्ट्रपतिको फोटो जलाउन खोज्ने पक्राउ

छिमेकी मित्रराष्ट्र चीनले नेपालको सिमाना अतिक्रमण गरेको भन्दै राष्ट्रिय एकता अभियानको नाममा काठमाडौंमा चीनविरोधी प्रदर्शन भएको छ ।

अभियानका संयोजक विनय यादवको नेतृत्वमा भएको प्रदर्शनमा चिनियाँ हस्तक्षेप बन्द गर,सीमा अतिक्रमण बन्द गर,अघोषित नाकाबन्दी खुल्ला गर जस्ता नारा लगाइएको छ ।

प्रदर्शनकारीले चिनियाँ राष्ट्रपति सि जिन पिङ्गको तस्बिर जलाउन खोज्नेलाई पक्राउ गरेको छ । सरकारले गृह मन्त्रालयका सहसचिवको नेतृत्वमा गठन गरेको सीमा स्थलगत अध्ययन कार्यदलले हिजो प्रतिवेदन बुझाएलगत्तै आज अभियानको नाममा चीनविरोधी प्रदर्शन गरिनुलाई अर्थपूर्ण ठानिएको छ ।