मापसेको झगडाले ठाउँको ठाउँ मृत्यु

बैतडीको सुर्नया गाउँपालिका–४ लेकडाँडा घर भई सन्सेरीमाण्डौंमा व्यवसाय गर्दै आएका ५६ वर्षीय कमलसिंह महराको हत्यामा संलग्न चार जनालाई प्रहरीले पक्राउ गरेको छ ।

महराको शव हिजो बिहान भेटिएको थियो । लगत्तै अनुसन्धान शुरु गरेको प्रहरीले आज हत्यामा संलग्न सुर्नया गाउँपालिका– ५ हरिचनका २६ वर्षीय रामबहादुर मडै,सुर्नया– ४ का हरिशसिंह महरा,शंकरसिंह महरा र रामबहादुर महरालाई पक्राउ गरेको हो ।

जिल्ला प्रहरी कार्यालय बैतडीका निरीक्षक दर्शन खड्काका अनुसार अनुसन्धानका क्रममा उनीहरुले मादक पदार्थ सेवन गरी महरासँग वादविवादपछि हत्या गरेको खुल्न आएको छ । रामबहादुरले महरालाई हिर्काएको स्वीकारेका छन् ।

महराको शव चोटपटक लागेको अवस्थामा फेला परेपछि प्रहरीले हत्याराको खोजी तीब्र पारेको थियो। अनुसन्धानका सिलसिलामा हिजै उनीहरुलाई जनालाई नियन्त्रणमा लिएको हो ।