भक्तपुरमा बालिका करणी,भाग्दाभाग्दै बर्दिबासमा पक्राउ « Jana Aastha News Online
Logo
११ कार्तिक २०७८, बिहीबार
|  Thu Oct 28 2021

भक्तपुरमा बालिका करणी,भाग्दाभाग्दै बर्दिबासमा पक्राउ

प्रकाशित मिति :  ८ आश्विन २०७८, शुक्रबार १४:४५


गत भदौ १५ गते १३ वर्षीया बालिकालाई भक्तपुरमा जबरजस्ती करणी गरी फरार रहेका सिन्धुलीको सुनकोशी गाउँपालिका ४, बस्ने २५ वर्षीय मीठाराम धिमाललाई प्रहरीले पक्रेको छ ।

महानगरीय प्रहरी परिसर भक्तपुरबाट प्रहरी नायव निरीक्षक टपेन्द्र भण्डारीको नेतृत्वमा खटिएको टोलीले महोत्तरीको बर्दिबासमा लुकेर बसेको अवस्थामा धिमाललाई फेला पारेको हो ।

भदौ १८ गते ठिमी चौकीमा पीडितले किटानी जाहेरी दिएपछि प्रहरीले भक्तपुर जिल्ला अदालतबाट पक्राउ अनुमति लिएर अनुसन्धान थालेको थियो । धिमाललाई महानगरीय प्रहरी वृत्त ठिमीको खोरमा राखिएको छ ।

बिहे गर्छु भन्दै किशोरीमाथि डेढ महिनासम्म बलात्कार

बर्दियामा एउटी १६ वर्षे किशोरीलाई २४ वर्षे ठिटोले बिबाह गर्ने आश्वासनमा साउन २४ गतेदेखि अस्तिसम्म दिनहुँ करणी गरेको रहस्य खुलेको छ ।

बर्दियाको मधुवन नगरपालिका १, कुसुम्बा बस्ने २४ वर्षे सुरेश मगरले स्थानीय किशोरीलाई बिबाह गर्ने र घरजम गर्ने प्रलोभन र आश्वासनमा झण्डै डेढ महिनासम्म आफ्नै घरमा लगेर करणी गरेका हुन् । किशोरीको जाहेरीपछि मगरलाई प्रहरीले हिजो पक्रेको छ ।

मगरले ती किशोरीलाई करणी गर्न नमान्दा कुटपिट तथा धाकधम्की समेत दिएको बताइएको छ ।


प्रतिक्रिया दिनुहोस !