रात्री बस चढेर झरेकाको काँधमा ४० किलो चाँदी - Jana Aastha News Online Jana Aastha News Online
Logo
३० आश्विन २०७८, शनिबार
|  Sat Oct 16 2021

रात्री बस चढेर झरेकाको काँधमा ४० किलो चाँदी

प्रकाशित मिति :  ६ आश्विन २०७८, बुधबार १५:४५


काठमाडौंबाट रात्री बस चढेर रौतहटको गौर पुगेका एक जना ४० किलो चाँदी बोकेर हिँडिरहेको अवस्थामा पक्राउ परेका छन् । गौर बसपार्कबाट ४० किलो चाँदी बोकेर गएका मलंगवा नगरपालिका २ बस्ने ३५ वर्षीय विद्यानन्द साह सोनारले प्रहरीले पक्राउ गरेको हो ।

काठमाडौंबाट गौर चल्ने ज्वाला रात्री सेवाको बसबाट झरेर पैदल हिँडिरहेका सोनारलाई प्रहरीले शंका लागि जाँच गर्ने क्रममा उक्त धातु फेला पारेको बताइएको छ । उनलाई बरामद धातुसहित आवश्यक कारबाहीका लागि राजश्व कार्यालय पथलैया पठाइएको छ ।

घरबाटै खुलमखुल्ला गाँजा कारोबार

सर्लाहीको हरिवन नगरपालिका १०, ब्रहमटोल बस्ने ५३ वर्षीय कुलदास घिसिङको घरबाट करिब १२ किलो ५ सय ग्राम गाँजा बरामद भएको छ ।

घिसिङको घरमा गाँजा लुकाई राखेको सुराकीको आधारमा प्रहरी टोलीले छापा मार्दा उक्त परिमाणको गाँजा फेला परेको हो । प्रहरीले घिसिङलाई नियन्त्रणमा लिएर आवश्यक अनुसन्धान थालेको बताइएको छ ।

यता, काठमाडौंको बुढानीलकण्ठ नगरपालिका १०, बालुवाखानीबाट पनि ४ किलो ६ सय ६४ ग्राम गाँजाको धुलो फेला परेको छ । उक्त गाँजासहित दोलखा तामाकोशी गाउँपालिका ५, बस्ने ४० वर्षीय योगराज पोखरेल पक्राउ परेका छन् ।

बालुवाखानीमा लागुऔषधको कारोबार भइरहेको सुराकीको आधारमा प्रहरी टोलीले छापा मार्दा उनी गाँजासहित पक्राउ परेका हुन् ।


प्रतिक्रिया दिनुहोस !