तीन दिदीबहिनी पहिरोमा पुरिए,मेयरद्वारा ३० हजार राहत « Jana Aastha News Online
Logo
८ आश्विन २०७९, शनिबार
|  Sat Sep 24 2022
Logo
८ आश्विन २०७९, शनिबार
|  Sat Sep 24 2022

तीन दिदीबहिनी पहिरोमा पुरिए,मेयरद्वारा ३० हजार राहत

प्रकाशित मिति :  ६ आश्विन २०७८, बुधबार १४:००


गुल्मी जिल्ला सदरमुकाम तम्घासमा मंगलवार मध्यरात गएको पहिरोमा पुरिएर मृत्यु भएको परिवारलाई रेसुङ्गा नगरपालिकाका प्रमुख डिल्लीराज भुसालले ३० हजार रुपियाँ आर्थिक सहयोग गरेका छन् ।

लगातारको बर्षापछि जिल्लाको सदरमुकामसमेत रहेको रेसुङ्गा नगरपालिका वडा नम्बर–८ खानिगाउँका सिलाइ बुनाइ व्यवसायी तिलक परियारका ३ छोरीको पहिरोमा परेर मृत्यु भएको थियो ।

पीडित परिवारलाई जिल्ला अस्पताल पुगेर नगरपिता भुसालले राहतस्वरुप उक्त रकम हस्तातरण गरेका हुन् । भुसालले दु:खको घडीमा नगरपालिका सधैं जनताको साथमा रहेको बताए । उनले थप राहतको लागि अरु पहल गर्नेसमेत बताए ।

मंगलवार राती पहिरोमा परेर २१ वर्षकी भावना,१४ वर्षकी गंगा र जमुना परियारको मृत्यु भएको थियो । एक तले पक्की घर माथिबाट ढुंगामाटोसहितको पहिरोले घरको वीच कोठामा एकै ठाउँ सुतिरहेका ३ जनाको पुरिएर मृत्यु भएको हो । पहिरोमा परेको घरमा रहेका अन्य ३ जना भने सकुशल छन् ।


प्रतिक्रिया दिनुहोस !