माओवादीमा टीके प्रथा बन्द,सबैलाई मन जित्न अनिवार्य
आगामी पुसमा राष्ट्रिय सम्मेलन गर्ने तयारीमा रहेको नेकपा (माओवादी केन्द्र) ले सबै तहका कमिटीको नेतृत्व निर्वाचनमार्फत ल्याउने भएको छ । केन्द्रीय निर्वाचन आयोगको भर्चुअल बैठकलाई सम्बोधन गर्ने क्रममा आज अध्यक्ष पुष्पकमल दाहाल प्रचण्डले सबै तहका कमिटीको नेतृत्व निर्वाचनबाट चयन हुने बताउनुभएको हो ।
बैठकलाई सम्बोधन गर्दै प्रचण्डले पार्टीलाई विधि र पद्धतिसम्मत रुपमा सञ्चालन गरिने बताउँदै सबै कमिटीका सदस्यदेखि पदाधिकारीसम्म निर्वाचनमार्फत चुनिने प्रष्ट पार्नुभयो ।
माओवादीले वडा, प्रदेश तथा संघीय निर्वाचन क्षेत्र, जिल्ला, प्रदेश र केन्द्रीय समितिसहित सबै कमिटीको नेतृत्व निर्वाचनबाट चुनिएर आउनुपर्ने गरी कार्यविधिसमेत बनाएको छ ।
कार्यविधिमा पार्टी अध्यक्ष र पदाधिकारीको चयन पनि निर्वाचनबाटै गर्ने उल्लेख छ ।कार्यविधि अनुसार वडादेखि केन्द्रसम्मका दुई लाख ८५ हजार पदहरुमा नेतृत्व चयन निर्वाचनमार्फत हुने छ ।
माओवादीले आगामी पुस ११ देखि १३ गतेसम्म राष्ट्रिय सम्मेलन गर्दैछ ।
ट्रेन्डिङ पोस्ट
टिप्पणीहरू