एमाले सांसदको अवरोधपछि संसद बैठक स्थगित, पुनः चालु

प्रमुख प्रतिपक्षी नेकपा एमालेका सांसदहरुको लगातारको अवरोधपछि आज बसेको प्रतिनिधिसभाको बैठक १५ मिनेटका लागि स्थगित भएको छ । तर, सभामुखले पुनः सुचारु गर्नुभएको छ ।

नेकपा एमालेका सांसदहरुले आज वैठक सुरु भएलगत्तै बेलमा गएर नाराबाजी गरेका थिए । सो क्रममा उनीहरुले ’वाक स्वतन्त्रता कायम गर !’, संसदीय सर्वोच्चता कायम गर !’, जस्ता नारा लगाएका थिए ।

सभामुख अग्निप्रसाद सापकोटाले बैठक अवरोध नगर्न गरेको पटक–पटकको आग्रह एमाले सांसदले अस्वीकार गरेपछि १५ मिनेटका लागि बैठक स्थगित गरिएको हो । एमालेको अवरोधका कारण बुधबारको बैठक पनि स्थगित भएको थियो ।

संसद बैठकको आजको कार्यसूचीमा लोकसेवा आयोगसम्बन्धी विद्येयक २०७५ को प्रतिवेदन र अध्यागमन विधेयक २०७६ सम्बन्धी प्रतिवेदनहरु विधायन व्यवस्थापन समितिका तर्फबाट सभापति परशुराम मेघी गुरुङले पेश गर्ने र गृहमन्त्री बालकृष्ण खाँणले राजनीतिक दलसम्बन्धी अध्यादेश २०७८ पेश गर्न कार्य कार्यक्रम रहेको छ ।