ओलीका चार सांसद माधवतिर,अष्टलक्ष्मीका मन्त्री पनि चन्द्रागिरी पुगे « Jana Aastha News Online
Logo
१० आश्विन २०७९, सोमबार
|  Mon Sep 26 2022
Logo
१० आश्विन २०७९, सोमबार
|  Mon Sep 26 2022

ओलीका चार सांसद माधवतिर,अष्टलक्ष्मीका मन्त्री पनि चन्द्रागिरी पुगे

प्रकाशित मिति :  ८ भाद्र २०७८, मंगलवार २०:३३


माधव नेपाल समूहमा रहेका स्थायी कमिटीका १० जना नेता केपी ओली पक्षमा लागेकै दिन एमालेका पाँच जना सांसद एकीकृत समाजवादी पार्टीतिर खुलेका छन् ।

गत बुधबार राती अष्टलक्ष्मी शाक्यसङ्गै बाग्मती प्रदेशको सामाजिक विकास मन्त्रीमा शपथ खाएका कृष्ण खनालसमेत हेटौंडाबाट आएर अहिले सोझै चन्द्रागिरी हिल्स पुगेका छन् ।

त्यस्तै, पाल्पाका निर्वाचित सांसद सोमप्रसाद पाण्डे,जननेता मदन भण्डारीसङ्गै ०५० साल जेठ ३ गते दासढुङ्गामा दिवङ्गत संगठन बिभाग प्रमुख जीवराज आश्रितकी पत्नी तथा समानुपातिक सांसद माया ज्ञवाली,खोटाङ्गबाट प्रदेशसभा सदस्य राजन राई र राष्ट्रियसभा सदस्य शारदादेवी भट्ट आज एकीकृत समाजवादीमा हस्ताक्षर गर्न निर्वाचन आयोग पुगेका हुन् ।

भोलि हुने हस्ताक्षर सनाखतमा नाम लेखाउन आज दिउँसो उनीहरु निर्वाचन आयोग गएका थिए । आयोगले भने दल दर्ताका लागि यसअघि निवेदन दर्ता भैसकेकाले अर्को निवेदन लिन नमिल्ने बताएको थियो ।

पाँचै जना सांसद अहिले चन्द्रागिरी रिसोर्टमा जारी एकीकृत समाजवादीको केन्द्रीय कमिटी बैठकमा सहभागी छन् ।


प्रतिक्रिया दिनुहोस !