कुलमान हटाउने मुध्दा प्रधानन्यायाधीशले नै हेर्दै « Jana Aastha News Online
Logo
१५ आश्विन २०७९, शनिबार
|  Sat Oct 1 2022
Logo
१५ आश्विन २०७९, शनिबार
|  Sat Oct 1 2022

कुलमान हटाउने मुध्दा प्रधानन्यायाधीशले नै हेर्दै

प्रकाशित मिति :  ८ भाद्र २०७८, मंगलवार १२:१२


नेपाल विद्युत प्राधिकरणको कार्यकारी निर्देशकबाट हटाएर ऊर्जा आयोगको विशेष सदस्य बनाइएका हितेन्द्रदेव शाक्यले सर्वोच्च अदालतमा दायर गरेको रिटमाथि आज सुनुवाइ हुँदैछ।

रिटको पेशी प्रधानन्यायाधीश चोलेन्द्रसमशेर जबराले आफ्नै बेञ्चमा तोकेका छन् । पूर्ण इजलाशमा दोश्रो नम्बरमा राखेर सो मुध्दाको सुनुवाई हुन लागेको हो ।

कुलमानको नियुक्ति र आफूलाई हटाइएको बिषयलाई लिएर शाक्यले अघिल्लो सोमबार रिट दायर गरेका थिए । एक हप्तापछि आज सो मुध्दाको पेशी प्रधानन्यायाधीशकै इजलाशमा तोकिएको हो ।

यसअघि कुमार रेग्मीको इजलाशमा परेर हेर्न नभ्याएका कारण आजको लागि पेशी सरेको थियो । हितेन्द्रले दायर गरेको रिटमा कुलमान घिसिङको नियुक्ति बदर गरी आफ्नो पुनर्वहालीका लागि अन्तरिम आदेश माग गरेका छन् ।

हितेन्द्रद्वारा दायर गरिएको रिटमा आफूले राजीनामा नदिएको,कुनै स्पष्टीकरण समेत नसोधिकन आफूलाई हटाएको आधिकारिक पत्र नपाएको र सरकारले आफूलाई हटाएर कुलमानलाई ल्याउँदा संविधानसम्मत आफ्नो अधिकार हनन भएको जिकिर गरेका छन् ।


प्रतिक्रिया दिनुहोस !