स्रोत नखुलेको भारतीय रुपैयाँ बोकेर भारतबाट नेपाल छिर्न थाले

भारतसँग सीमा जोडिएका तराईका जिल्लामा स्रोत नखुलेको भारतीय नोट बोके हिँड्नेको बिगबिगी बढेको छ । त्यहि क्रममा हिजो रौतहटमा झण्डै दुई लाख भारतीय रुपैयाँसहित दुईजना पक्राउ परेका छन् ।

ईशनाथ नगरपालिका १ बन्जारा टोल नजिकैको बकैया बाँध नजिकबाट उनीहरु पक्राउ परेका हुन् । भारतबाट नेपाल आउँदै गरेको बा३९ प १६९१ नम्बरको मोटरसाइकल चढेका उनीहरुबाट उक्त रकम प्रहरीले फेला पारेको हो ।

पक्राउ पर्नेमा गौर नगरपालिका ४ टिकुलिया बस्ने ३० वर्षीय सुखाडी सहनी र अर्का एक जना भएको बताइको छ । उनीहरुको साथबाट स्रोत नखुलेको १ लाख ८३ हजार ५ सय भारतीय रुपैयाँ फेला परेको हो ।