दार्चुलामा भारतीय ज्यादतीको छानबिन गर्न म्याद थप « Jana Aastha News Online
Logo
३१ श्रावण २०७९, मंगलवार
|  Tue Aug 16 2022
Logo
३१ श्रावण २०७९, मंगलवार
|  Tue Aug 16 2022

दार्चुलामा भारतीय ज्यादतीको छानबिन गर्न म्याद थप

प्रकाशित मिति :  २ भाद्र २०७८, बुधबार २२:१०


गृह मन्त्रालयले महाकाली नदीमा तुईनको लठ्ठा भारतीय एसएसबीको जवानले फुस्काएपछि बेपत्ता भएका जयसिंह धामी प्रकरणको सत्यतथ्य बुझ्न गठित छानबिन समितिको म्याद पुनः सात दिन थपेको छ । शुरुमा १० दिनको म्याद दिइएको उक्त समितिलाई यसअघि पनि सात दिन थपिसकिएको छ ।

समितिको म्याद हिजो भदौ १ गते सकिएको हो । आज भदौ २ गतेदेखि सात दिन थपिएको गृह मन्त्रालयको पत्रमा उल्लेख छ ।

साउन १५ गतेको उक्त घटनाको छानबिन गर्न सरकारले लगत्तै समिति गठन गरेको थियो । स्थलगत भ्रमण सकिएको,थप अनुसन्धान र तथ्य संकलन जारी रहेको एवम् प्रतिवेदन लेखन कार्य समेत बाँकी रहेको भन्दै म्याद थप्न समितिले अनुरोध गरेपछि गृहले मन्त्रीस्तरीय निर्णयबाट म्याद थपेको हो ।

पाँच सदस्यीय समितिको संयोजकमा गृह मन्त्रालयका सहसचिव जनार्दन गौतमलाई राखिएको छ । अन्य सदस्यमा नेपाल प्रहरीका नायव महानिरीक्षक पुरुषोत्तम कँडेल, अनुसन्धान विभागका निर्देशक हुतराज थापा,सशस्त्र प्रहरी बलका वरिष्ठ उपरीक्षक सुरेशकुमार श्रेष्ठ र जिल्ला प्रशासन कार्यालय दार्चुलाकी सहायक प्रमुख जिल्ला अधिकारी ज्योत्सना भट्ट रहेका छन् ।


प्रतिक्रिया दिनुहोस !