एकै ठाउँका तीन जना किशोरी बेपत्ता, भारतको सीमा नजिकै पुगेकाे आशंका « Jana Aastha News Online
Logo
२ भाद्र २०७९, बिहीबार
|  Thu Aug 18 2022
Logo
२ भाद्र २०७९, बिहीबार
|  Thu Aug 18 2022

एकै ठाउँका तीन जना किशोरी बेपत्ता, भारतको सीमा नजिकै पुगेकाे आशंका

प्रकाशित मिति :  ३१ श्रावण २०७८, आईतवार १३:००


बर्दियामा एकै ठाउँका तीन जना किशोरी बेपत्ता भएका छन् । शुक्रबार बिहानदेखि हराएका उनीहरु फेला नपरेपछि अभिभावकले प्रहरीमा निवेदन हालेका हुन् ।

बर्दियाको ठाकुरबाबा नगरपालिका ९, बेतहनीका १६ वर्षीया युवतीहरु हराएपछि प्रहरीले खाजीको लागि सक्रियता बढाएको छ । शुक्रबारबाट बेपत्ता भएकाहरुमा सावित्री बराइली, यमुना परियार र अनिता पुन मगर हुन् ।

उनीहरुको बारेमा सोधखोज गर्ने क्रममा परियार र मगरले बोकेको मोबाइलको आधारमा उनीहरु नेपाल भारत सीमा नजिकैको गणेशपुरमा रहेको देखिएको बताइएको छ । किशोरीको खोजीको निम्ति सामाजिक सञ्जालमा गरिएको खबरमा भारतको सीमाना नजिकै देखिएकाले उनीहरुलाई बेच्न लगेको हुनसक्ने आशंका गरिएको छ ।

परिवारले तीन जना किशोरीको बारेमा थप जानकारी भएमा खबर गरिदिन सामाजिक सञ्जालमार्फत् अनुरोध गरेको छ । किशोरीको बारेमा थप जानकारी भए खबर गरिदिन सामाजिक सञ्जालमा ९८६८१८४३५७ नम्बर उपलब्ध गराइएको छ ।


प्रतिक्रिया दिनुहोस !