ओली दक्षिणपन्थी कित्तामा पुगेकाले एकता टुट्यो, काँग्रेससँग चुनावसम्मै गठवन्धन (प्रतिवेदनको पूर्णपाठ) « Jana Aastha News Online
Logo
३१ श्रावण २०७९, मंगलवार
|  Tue Aug 16 2022
Logo
३१ श्रावण २०७९, मंगलवार
|  Tue Aug 16 2022

ओली दक्षिणपन्थी कित्तामा पुगेकाले एकता टुट्यो, काँग्रेससँग चुनावसम्मै गठवन्धन (प्रतिवेदनको पूर्णपाठ)

प्रकाशित मिति :  ३० श्रावण २०७८, शनिबार १६:१७


नेकपा (माओवादी केन्द्र)ले आगामी चुनावससम्मै सत्ता साझेदार दलहरुबीचको गठवन्धन कायम राख्न प्रस्ताव गरेको छ । आजदेखि शुरु भएको माओवादीको केन्द्रीय कमिटी वैठकमा अध्यक्ष पुष्पकमल दाहाल प्रचण्डले यस्तो प्रस्ताव राख्नुभएको हो ।

वैठकमा अध्यक्ष प्रचण्डले पेश गरेको राजनीतिक तथा सांगठनिक प्रतिवेदनमा वर्तमान राजनीतिक प्रणाली, संविधान र राष्ट्रियताको रक्षा गर्दै देशमा आर्थिक समृद्धि, स्थायित्व र सुशासन कायम गर्न आगामी निर्वाचनसम्म गठवन्धन कायम राख्ने प्रस्ताव गरिएको छ । प्रतिवेदनमा केपी ओलीको प्रतिगमनका विरुद्ध संघर्षकै क्रममा वाम-लोकतान्त्रिक गठबन्धन निर्माण भएको पनि उल्लेख गरिएको छ ।

सङ्घीय लोकतान्त्रिक गणतन्त्र र संविधानमाथि प्रहार गर्दै प्रतिगमन गर्ने ओली प्रवृत्तिलाई गठबन्धनले पराजित गरेको प्रचण्डको ठहर छ । राजनीतिक परिवर्तनलाई नरुचाउने शक्तिहरू गठवन्धनलाई कमजोर पार्न र भत्काउन लागि परेको प्रतिवेदनमा भनिएको छ ।

गठबन्धनको औचित्यबारे विश्लेषण गर्दै प्रतिवेदनमा कम्तिमा आगामी निर्वाचनसम्म त्यसलाई कायम राख्ने पार्टीको नीति हुने उल्लेख छ ।

प्रचण्डको प्रतिवेदनमा इमान्दार कम्युनिस्टहरुलाई एकतावद्ध गर्दै क्रान्तिकारी कम्युनिष्ट केन्द्र निर्माणमा समेत जोड दिइएको छ । ‘अहिलेको सन्दर्भमा अझ स्पष्ट र मजबुत बैचारिक धरातलमा नेपालको कम्युनिष्ट आन्दोलनलाई एकतावद्ध गर्ने दायित्वलाई हाम्रो पार्टीले दृढतापूर्वक आत्मसात गर्दछ’, प्रतिवेदनमा भनिएको छ ।

एमालेसँगको एकता गर्ने निर्णय सही भएपनि केपी ओलीको दम्भ र अहंकारका कारण सफल नभएको प्रचण्डको विश्लेषण छ ।

‘हाम्रो पार्टीले एमालेसँग चुनावी तालमेल हुँदै पार्टी एक्तासम्मको प्रस्ताव राख्यो । आमनिर्वाचनमा अभूतपूर्व जनसमर्थनसहित हाम्रो प्रस्ताव जनसमुदायबाट अनुमोदन पनि भयो २०७५ जेठ ३ गते पार्टी एकता भई नेकपा बन्यो’, प्रतिवेदनमा भनिएको छ, ‘तर पार्टीका तत्कालीन अर्का अध्यक्ष केपी ओलीको पार्टी एकताको उद्धेश्य भने आफू प्रधानमन्त्रीको कुर्सीमा पुग्ने र निरङ्कुश बन्ने मात्र रहेको भन्ने प्रष्ट हुँदै गयो। उनले पार्टी एकताको सैद्धान्तिक, राजनैतिक र वैधानिकताको मूल मर्ममाथि निरन्तर प्रहर गर्ने काम गरे । पार्टीलाई पूरै दक्षिणपन्थी कित्तामा उभ्याउने, सरकारलाई आफूनिकट व्यक्ति पोस्ने र दलाल नोकरशाही पूँजीवादलाई हुर्काउने साधनको रुपमा दुरुपयोग गर्ने प्राप्त राजनैतिक उपलब्धि संघीयता, संविधान र गणतन्त्रमाथि नै आक्रमण गर्ने काम गरे ।’

file

 


प्रतिक्रिया दिनुहोस !