संविधान र काँग्रेसको विधान च्यापेर बुढानीलकण्ठमा नाराबाजी « Jana Aastha News Online
Logo
२ भाद्र २०७९, बिहीबार
|  Thu Aug 18 2022
Logo
२ भाद्र २०७९, बिहीबार
|  Thu Aug 18 2022

संविधान र काँग्रेसको विधान च्यापेर बुढानीलकण्ठमा नाराबाजी

प्रकाशित मिति :  २८ श्रावण २०७८, बिहीबार १४:२३


नेपाली काँग्रेसका नेता तथा कार्यकर्ता तोकिएको समयमा पार्टी महाधिवेशन गर्नुपर्ने माग गर्दै आज पार्टी सभापति तथा प्रधानमन्त्री शेरबहादुर देउवाको निजी निवास बुढानीलकण्ठ पुगेर नाराबाजी गरेका छन् । महाधिवेशन समयमै गरेर पार्टीको वैधानिकता बचाउनको निम्ति दवाब दिने उद्देश्यले उनीहरुले आज बुढानीलकण्ठ पुगेर नारा लगाएका हुन् ।

जुलुसमा रौतहट निर्वाचन क्षेत्र नम्बर १ का महासमिति सदस्य देवचन्द्र मिश्रको नेतृत्वमा पूर्वमन्त्री ब्रजकिशोर सिंहलगायत झण्डै ५० जनाको समूहले पार्टीको वैधानिकता कायम राख्न तोकिएको समयमा १४औं महाधिवेशन सम्पन्न गर्न आग्रह गरेको छ ।

उनीहरुले क्रियाशील सदस्यता वितरणमा उब्जिएको विवाद मिलाउन पनि माग गरेका छन् । साथै बुढानीलकण्ठ पुगेको टोलीले केन्द्रीय समितिलाई ज्ञापनपत्र बुझाउने तथा धर्ना दिने कार्यक्रम समेत थाल्ने बताएको छ ।उनीहरुले केहीबेर क्रियाशी सदस्यता फाराम कहाँ छ सभापति यहाँ छ, छानबिन समिति कहाँ छ प्रमाणसहितको उजुरी यहाँ छ, विधि र विधानको पालन गरौं अनशनकारीको माग पूरा गरौं, समयभित्रै महाधिवेशन गर्ने सुनिश्चितता गर, समायोजनमा भएको धाँधली खारेज गर भन्ने नारा लगाएका थिए ।

पार्टीको चौधौँ महाधिवेशनको तोकिएको समय आइसक्दा समेत महाधिवेशनको सुनिश्चितता नभएको र अझै क्रियाशील सदस्यता वितरणको विवाद कायम रहेकाले समयमै महाधिवेशन गर्न उहाँको निवासमा नेपालको संविधान र पार्टीको विधान बुझाउन पुगेको बताइएको छ ।


प्रतिक्रिया दिनुहोस !