प्रचण्डको निवेदनउपर सुनुवाइ शुरु हुँदै
माओवादी छाडेर एमाले बनेका स्थानीय तहका जनप्रतिनिधिलाई जिम्मेवारीमुक्त गर्न नेकपा माओवादी केन्द्रका अध्यक्ष पुष्पकमल दाहाल प्रचण्डले दिएको भ्याकेट निवेदनउपर सुनुवाइ हुन लागेको छ ।
मुध्दाको सुनुवाईका लागि सर्वाेच्चले ५ नम्बरको इजलाश तोकेको छ । न्यायाधीश डा.आनन्दमोहन भट्टराई,बमकुमार श्रेष्ठ र डा. मनोजकुमार शर्माको पूर्ण इजलाशमा मुध्दाको पेशी तोकिएको छ ।
सर्वाेच्चको गत फागुन २३ को फैसलाले नेकपा फुटाएर माओवादी र एमाले पूर्ववत अवस्थामा फर्काइदिएपछि स्थानीय तहमा निर्वाचित वडाध्यक्षदेखि मेयरसम्मका ४१ जना जनप्रतिनिधि माओवादी छाडेर एमालेमा गएका थिए ।
पदमुक्त भएका प्रभु साहकी श्रीमती रीनालगायतलाई सर्वाेच्चले अन्तरिम आदेशमार्फत पुनर्वहाली गराएपछि प्रचण्ड उक्त आदेश खारेजीको माग राखेर अदालत पुगेका हुन् ।
टिप्पणीहरू