दार्चुला घटनाको विरोधमा काठमाडौँमा आन्दोलन घोषणा « Jana Aastha News Online
Logo
१० माघ २०७८, सोमबार
|  Mon Jan 24 2022
Logo
१० माघ २०७८, सोमबार
|  Mon Jan 24 2022

दार्चुला घटनाको विरोधमा काठमाडौँमा आन्दोलन घोषणा

प्रकाशित मिति :  १६ श्रावण २०७८, शनिबार १७:४०


महाकाली नदी तरेर भारत जाने क्रममा तुइनबाट खसेर बेपत्ता भएका दार्चुलाका जयसिंह धामी बेपत्ता भएको घटनाको विरोधमा आन्दोलन चर्किने भएको छ । भारतीय पक्षले तुइन काटेका कारण धामी नदीमा खसेको भन्दै विभिन्न राजनीतिक दल र उनीहरु सम्बद्ध संघ संगठनले आन्दोलन घोषणा गरेका हुन् ।

भारतीय एसएसबीले तुइनको डोरी चुडाइदिदाँ नदीमा खसेर धामी बेपत्ता भएको भन्दै विप्लव नेतृत्वको नेपाल कम्युनिष्ट पार्टीले घटनाको सत्यतथ्य छानविन गर्न माग गरेको छ । आज एक विज्ञप्ति जारी गर्दै सो पार्टीले धामीको न्यायका लागि आन्दोलनको घोषणा गरेको हो।

विज्ञप्तिमा घटनाको बिषयमा आवश्यक छानबिन गरी दोषीमाथि कारवाहीको माग गरिएको छ । प्रवत्ता प्रकाण्डद्वारा जारी विज्ञप्तिमा आज देशब्यापी विरोध प्रदर्शन तथा १८ गते विरोधसभा गर्ने उल्लेख छ ।यस्तै, नेकपा (माओवादी केन्द्र) को भातृ संगठन योङ्ग कम्युनिष्ट लिग (वाईसिएल)ले पनि दार्चुला घटनाको छानविन गर्न माग गरेको छ । आज वाईसिएलले घटनाको भर्त्सना गर्नुका साथै दोषीमाथि कारवाहीको माग गरेको हो ।

अध्यक्ष रामप्रसाद सापकोटा दीपशिखाद्वारा जारी विज्ञप्तिमा भारतीय सुरक्षा फौजबाट गरिएको ज्यादतीको छानबिन गरिनुपर्ने बताइएको छ । साथै बेपत्ता धामीको परिवारलाई क्षतिपूर्ति दिनसमेत माग गरिएको छ ।

त्यसैगरी, देशभक्त जनगणतान्त्रिक मोर्चा नेपालले पनि विज्ञप्ति जारी गर्दै घटनाको भर्त्सना गरेको छ । मोर्चाले विभिन्न समाचार माध्यममा भारतीय सुरक्षा बलले ज्यादती गरेको बताइए पनि त्यसको सत्य तथ्य छानविन हुनुपर्ने बताएको छ । अध्यक्ष सीपी गजुरेलद्वारा जारी विज्ञप्तिमा घटनाको अविलम्ब छानबिन गरी दोषीलाई कडाभन्दा कडा कारवाहीको माग गरिएको छ ।


प्रतिक्रिया दिनुहोस !