आफू अनुकूलको श्रीमान नपरेपछि मुद्दा स्थगित
माओवादी केन्द्र परित्याग गरी एमाले प्रवेश गरेका टोपबहादुर रायमाझी,लेखराज भट्टसहितले माओवादीकै सांसद रहिरहन पाऊँ भनी सर्वोच्च अदालतमा हालेको निवेदनमा आज तोकिएको पेशी स्थगित गरिएको छ ।
न्यायाधीश डा.आनन्दमोहन भट्टराईको इजलासमा तोकिएको पेशी रिट निवेदकका कानुन व्यवसायीबाट स्थगित गराइएको हो । स्रोतका अनुसार आफू अनुकूल न्यायाधीशको इजलास नतोकिएको कारण आज पेशी सार्न लगाइएको हो ।
यसअघि हिजो न्यायाधीश दीपककुमार कार्कीको एकल इजलासमा परेको रिट हेर्न भ्याइएको थिएन । सो रिटउपर सुनुवाईका लागि आज डा.भट्टराईको ६ नम्बर इजलाश तोकिएको थियो ।
न्यायाधीश भट्टराई प्रतिनिधि सभाको दोश्रो विघटन बदर गर्ने असार २८ को फैसलामा सँलग्न हुनुहुन्थ्यो ।
प्रभू साह,लेखराज भट्ट, गौरीशंकर चौधरीसहित पूर्व माओवादीका सात जना माओवादी छाडेर एमाले अध्यक्ष केपी ओलीसँग नजिकिँदै मन्त्री पद खान गएका थिए ।
टिप्पणीहरू