दलका मुध्दामा सर्वोच्चबाट सुनुवाइ धमाधम

निर्वाचन आयोगले गत ११ साउनमा गरेको हेड काउण्टका विरुध्द सर्वाेच्च अदालत पुगेका महन्थ ठाकुर लगायतले दायर गरेको मुध्दा को पेशी आजलाई चढेको छ ।

निर्वाचन आयोगको उपेन्द्र यादव पक्षधर र महन्थ ठाकुर पक्षधर कार्यकारिणी सदस्यहरुलाई लाइन लगाएर टाउको गन्ने निर्णयका विरुद्ध ठाकुर सर्वाेच्च पुगेका थिए । सो रिटको सुनुवाई न्यायाधीशद्वय ईश्वर खतिवडा र कुमार चुडालको ५ नम्बर इजलाशमा हुने छ । आयोगले ५१ कार्यकारिणी समितिको टाउको गन्दा ३४ जना उपेन्द्र यादव-बाबुराम पक्षमा खुलेका थिए भने १६ जना महन्थ ठाकुरतिर लागेर अल्पमतमा परेका हुन् । जसपाको आधिकारिकता अहिले उपेन्द्र यादव पक्षधरको पोल्टामा परेको छ ।

यता जसपा पार्टी नै अवैध रहेको भन्दै सोही पार्टीका उपाध्यक्ष तथा कानुन व्यवसायी राजकुमार थापाले दायर गरेको रिट साउनको २५ गतेका लागि पेशी तोकिएको छ ।