राष्ट्रिय सभामा सांसद बिडारीले भन्नुभयो ‘हामी कस्ता मान्छे सांसद भएछौँ ?’ - Jana Aastha News Online Jana Aastha News Online
Logo
११ आश्विन २०७८, सोमबार
|  Mon Sep 27 2021

राष्ट्रिय सभामा सांसद बिडारीले भन्नुभयो ‘हामी कस्ता मान्छे सांसद भएछौँ ?’

प्रकाशित मिति :  १३ श्रावण २०७८, बुधबार १९:३०


राष्ट्रिय सभा सांसद रामनारायण बिडारीले आफूहरु सांसद बन्न लायक नभएको आशंका गर्नुभएको छ । आज राष्ट्रिय सभाको बैठकमा बोल्दै बिडारीले परमादेशको अर्थ थाहा नभएकाहरू सांसद बन्न लायक नभएको बताउनुभएको हो ।

उहाँले सभामा परमादेश हरेक देशको सर्वोच्च अदालतले मात्र जारी मात्र गर्न पाउने कानुनी व्यवस्था रहेको उल्लेख गर्दै भन्नुभयो, ‘अहिले परमादेशबाटै संघीय संसदको राष्ट्रियसभाको बैठक बसेको हो । हामी त्यसैमा टेकेर बोलिरहेका छौं ।’

परमादेश जारी हुनुअघिको अवस्था बारे बोल्दै उहाँले आकाश जमिनको अन्तर रहेको बताउनुभयो । ‘खुत्रुक्क तीन दिन अधिवेशन बोलाउने, थाहै नपाई ढ्याप्प बन्द गरिने गरिएको थियो । परमादेशकै कारण प्रतिनिधिसभा ब्युँतियो, त्यसैका कारण ८३ मत ख्वाईं ख्वाईं हाल्न पाइयो’, उहाँले व्यङ्ग्य गर्दै सुनाउनुभयो ।

परमादेशको बेइज्जत गरिरहँदा आफूले अप्ठेरो महशुस गरेको बताउँदै उहाँले राष्ट्रियसभाको बैठकमा आक्रोश समेत पोख्नुभएको छ ।


प्रतिक्रिया दिनुहोस !
लोकप्रिय